Plattdüütschschool

Bi us an de School ward plattdüütsch schnackt. Dat maakt us bannig veel Spaaß. De plattdüütsche Spraak gifft dat an use School aal een lange Tied. All twee Jahr nehmt wi an den Plattdüütschen Läaswettstriet deel un bi Festen singt wi plattdüütsche Leeder, speelt lüttje Sketche vör oder seggt Riemels un Gedichte op. Vun Anfang an gifft dat de Plattdüütsch-AG und ok Öllern un Grotöllern hölpt us to`n Deel mit. Mit de Aktion „Freedag is Plattdag“ un dör dat Rinholen von dat Plattdüütsche in Unnerricht sünd wi nu siet 2017 „Projektschool Plattdüütsch“ un siet 2019 dröfft wi us „Plattdüütsch School“ nennen. Dor sünd wi bannig stolt op.

Wat allens so bi us löppt:

• all twee Jahr Deelnahme an Plattdüütschen Lääswettstriet
• Musikunnerricht immersiv
• Jede Klass hett eene Stunn Plattdüütsch-Unnerricht in de Week.
• plattdüütsche Leeder, Sketche, Riemels un Gedichte as Programmdeele bi Festen wie Wiehnachtsmarkt, Stadtfest, Schoolfesten, Schützenfest usw.
• twee Projekte mit de Grupp „Tüdelband“ ut Hamborg 
• Deelnahme un ok gewunnen bi Wettbewerbe wie Plattdüütschen Filmpries, JohannFriedrich-Dirks-Pries vun de Stadt Emden.
• Besöök vun Yared Dibaba an use School
• Vörlesdage op Platt
• Hörspeele und lüttje Lernvideos to`n Plattdüütsch lehren
• Wuddeldick (de Wuddel ut dat Kinnerbook Wuddeldick) is bi us an de School op de Welt komen un leevt nu bi us in een Klass
• To`n Thema Moor gifft dat een schoolegen Heft op Platt.
• Us Schoolleed hett een plattdüütsche Strophe